Со одлично темпо на работа продолжува да се гради капиталниот проект за штипјани изградба на брана на река Отиња, уверува министерстот за транспорт и врски, Благој Бочвраски. Од почетокот, пред повеќе од една година до сега реалзирани се нешто над 37% од градежните активности на терен. Ако се продолжи со вакво темпо, Бочвраски е оптимист дека проектот ќе биде завршен до почетокот на 2024 година, во рамки на предвиденото.
„Браната на река Отиња има прогрес од 37 – 38%. Динамиката оди добро. Наредната година ќе има над 60 милиони денари, на крајот на наредната година ќе бидеме со уште поголем прогрес, а на почетокот на 2024 овој проект ќе биде завршена.“ – кажа Бочварски.
Брана на река Отиња е проект од големо значење за Штип и штипјани, кој започна да се гради во 2021 година, а се предвидени 306 милиони денари. Од пред неколку дена започна и експропријација на земјиштето околу браната со што се очекува на почетокот на 2024 година штипјани за реалност да ја имаат браната на река Отиња.
Лаура Стојанова М-Нет