Откорнати дрва, паднати гранки, оштетени автомобили, ваква е сликата на терен во центарот на Штип дененска поради силниот ветер. Околу 20 интервенции имаат ЈП Исар и противпожарната единица Штип само до 12 часот. Од ТППЕ Штип потенцираа дека имале четири интервенции, на паднати дрва, две во близина на средното училиште „Коле Нехтенин“, една на четврти километар и една интервенција кај детската градинка „Вера Циривири Трена“ во Штип.
За разлика од нив ЈП Исар бележат над 15 интеревенции. Стои препораката однонсно апелот да не се посетува Зоо паркот Бриони.
„Денес екипите на ЈП Исар со направена реорганизација интервенираа на повеќе од 15 локации на паднати дрва предизвикано заради силниот ветер.“ – вели Арсовски.
Во Штип ветровитото време продолжува и во текот на утрешниот ден. Според исвестувањата на УХМР има портокалов предупредување за ветер. Исто така се апелира граѓаните да бидат внимателни и да не се движат на места каде има високи дрва со цел да се заштитат себе си.
Лаура Стојанова М-Нет