Од утре стартува бесплатната вакцинација против сезонски грип – приоритет за ризичните категории. Обезбедно 80.000 дози четиривалентна вакцина на ниво на државата, со цел навремена заштита на граѓаните од компликации поврзани со вирусот. Со вакцината ќе бидат опфатени ризичните категории население, како лица над 65 години, хронично болни, бремени жени, деца од 6 месеци до 5 години, здравствени работници, како и корисници и вработени во установите за социјална заштита.
Иако вакцинацијата започнува утре, граѓаните имаат поделени мислења. Додека едни велат дека сигурно ќе се вакцинираат за да се заштитат, други остануваат скептични и не планираат да ја примат вакцината.
Сезоната на грип е пред врата, а вакцината останува најдобрата заштита. Здравствените власти апелираат граѓаните навреме да се имунизиратe, особено ризичните категории. Одлуката е лична, но здравјето, заедничка одговорност.
Иван Митев, М-Нет