Екипата на Новаци стигна до првата сезонска радост дури во петтото коло на Втората лига, откако на домашен терен со сигурни 3:1 преку пресврт го доби Детонит Плачковица. За тимот на Новаци првата сезонска победа значи и прогрес на табелата односно излез од опасната зона со четири бодови на своето конто, а пак тимот од Радовиш го доживеа првиот сезонски пораз.
Кожуф славеше минимална победа од 0:1 над Осогово во Кочани со голот на Сашо Дуков со што тимот од Гевгелија стигна до значајна победа, со што сега Кожуф направи прогрес до шестата позиција со седум бодови, а пак Осогово останува претпоследен со само еден освоен бод. Овој меч го следевте во живо на М Нет телевизија.
Охрид триумфираше со 2:1 над Еуромилк ГЛ на домашен терен, а пак Пелистер рутински со 0:4 славеше над Шкупи во гости.
Во уште еден меч кој го следевте во живо на М Нет телевизија, Македонија ЃП со минимални 1:0 славеше над Кајмани, а синоќа во натпревар под рефлектори Беласица и Тетекс ги поделија бодовите играјќи 2:2. Струмичани имаат трето реми во низа, а за Тетекс овој бод од Струмица е многу значаен.
Од петтото коло одложен беше натпреварот меѓу Работнички и Брера, поради настап на струмичани во младинската Лига на шампиони, па мечот ќе се игра во нов дополнителен термин.
Александар Ванев, М-Нет