Второлигашот Шкендија Арачиново зад себе има неверојатна статистика на последните пет мечеви голманот Антонио Столевски ја чува чиста својата мрежа, а ваквата форма го врати тимот на Берат Имери на делба на првото место заедно со Охрид и Брегалница со по 52 бодови.
На последните пет натпревари Шкендија Арачиново забележа четири победи и едно реми. Тимот од Арачиново убедливо го доби Големо Коњари со 0:4, минимална победа од 1:0 над Детонит Плачковица, па следуваше триумф од 0:5 во Виница над Слога, реми без погодоци (0:0) против Беласица и победа од 2:0 над Тетекс.
Со ваква статистика Шкендија Арачиново ја подобри одбраната и сега заедно со Охрид има најдобра одбрана со примени 12 погодоци и еден од најефикасните напади со реализираше 42 погодоци.
Во следното коло Шкендија Арачиново ќе гостува во Кочани каде ќе се соочи со разиграниот Осогово.
Александар Ванев, М-Нет