Новиот тренер на Брегалница, Ристе Наумов, во својата прва изјава како кормилар на штипскиот второлигаш, вели дека е задоволен од залагањето на фудбалерите и дека е подигната самодовербата после победата над Вардарски.
Наумов дебитираше на тренерското столче со победа против Вардарски во Штип од 2:0.
„Играчите после победата над Вардарски ја подигнаа самодовербата и психолишки се на највисоко ниво. Формата оди во нагорна линија. Распоред на натпревари е добар, одиме чекор по чекор, натпревар по натпревар, максимално концентрирани за секој нареден предизвик. Јас, како шеф на стручниот штаб сум задоволен од залагањето на сите фудбалери во тимот и дисциплината и хемијата која владее во соблекувалнат“, вели Наумов.
Брегалница утре ќе гостува кај Осогово во Кочани, во рамки на 20. коло на Втората лига.
Александар Ванев, М-Нет