Македонија го доживеа вториот пораз во новото издание на Лигата на нации, откако во Љубљана нашата репрезентација беше поразена со 2:0 од Словенија.
Во првиот дел игравме рамноправно, но без реализација, а во вториот дел Словенците успеаја да постигна два гола и со тоа да ги обезбедат трите бодови.
Селекторот Гоце Седлоски направи дури осум промени во стартниот состав во однос на дуелот со Швајцарија, но одново изостана реализацијата за погодок и претрпевме нов пораз.
Санди Ловриќ го отвори резултатот за водство на Словенија во 55. минута, а печат на победата за домаќинот стави Аљоша Матко во 82. минута за конечни 2:0.
Нашата репрезентација имаше неколку шанси во текот на натпреварот, но беа реализација и од Љубљана се враќаме одново без бодови.
Време за одмор нема бидејќи веќе в сабота Македонија во Скопје ќе игра против Шкотска во обид за позитивен резултат и крај на резултатската криза.
Македонија последен пат славеше на 7 септември минатата година кога славевме на Лихтенштајн со резултат од 5:0, од тогаш победа нема, а последен пат гол постигнавме на мечот со Велс, кога нашата репрезетнација беше убедливо поразена со 7:1 на 18 ноември 2025 година.
На последните десет натпревари немаме триумф, нашиот учинок е пет порази и пет ремија, а од последните пет средби имаме две ремија и три последователни порази.
Под водство на селекторот Гоце Седлоски, македонската фудбалска репрезентација нема постигнат гол, ниту забележано победа.
Александар Ванев, М-Нет