Штип има со што да се гордее! Младиот штипјанец Стефан Ончев оствари извонреден меѓународен успех, освојувајќи специјална награда со максимални 100 поени на меѓународниот натпревар ALMA ACADEMY LISZT MUSIC ART, кој се одржа во Италија, од 22 до 25 октомври.
Под менторство на својата професорка, проф. м-р Марија Максимова, Стефан се претстави со својот музички талент и умешност, заслужувајќи го ова значајно признание.
Зад ова признание стојат талентот, посветеноста и напорната работа на Стефан, кој настапи под менторство на професорката м-р Марија Максимова.
Освен високото признание, Стефан доби можност да настапи и на концертот на победниците, каде што уште еднаш ги покажа своите музички способности.
Неговиот успех е уште една потврда дека младите музичари од Штип имаат потенцијал да се истакнат и на меѓународната сцена, а освоената награда е значајно достигнување како за него, така и за неговата професорка, која придонесува за неговиот музички развој.
Ева Тушевска, М-Нет