Новата сезона на ракометната Супер лига уште во првото коло носи големо дерби кое ќе се одигра покрај Охридското Езеро односно во спортската сала „Билјанини Извори“ – освојувачот на ЕХФ Европскиот Куп, Охрид ќе го пречека вицешампионот Еурофарм Пелистер.
Прво коло и веднаш голема дерби пресметка на две екипи кои и годинава ќе конкурираат за шампионска титула.
Шампионот Вардар сезоната ја отвара на домашен терен против младите пелистерци односно против Еурофарм Пелистер 2, а пак Алкалоид ќе игра против Мулти Есенс.
Бутел Скопје ќе го пречека повратникот Младост Богданци, Пролет ќе биде домаќин на Тиквеш, а пак Прилеп ќе игра против Куманово во рамки на првото коло.
Сезоната стандардно се отвара со Суперкупот меѓу Охрид и Вардар.
Александар Ванев, М-Нет