Овче Поле на домашен терен со голот на Лазев во 90. минута ги сочува трите бодови откако славеше над Карбинци со 1:0, а минимална победа од 0:1 славеше и Дојранско Езеро во Берово над Малеш со голот на Маринковиќ, во рамки на 13. коло на Трета лига – Исток.
„Фенерџијата“ Тиверија го загуби дербито од дното откако со 0:3 загуби од Ударник од Пирава. Спасиќ беше двоен стрелец за гостинот, а еден гол постигна Коколански.
Трите бодови останаа во Делчево откако Брегалница со 2:1 забележа победа над Светлост Зрновци, Гаврилов во 74. минута си постигна автогол, а Брегалница имаше 1:0. Во 80. минута Шуманов погоди за 1:1, а Пешовски стави печат за победа на домаќинот од 2:1.
Лидерот Слога Виница со 15:0 го декласираше Хоризонт Турново во меч каде Петковски, Настевски и Амедов постигнаа по три гола, Ѓорѓиев и Воинов постигнаа по два гола, а по еден Крстевски и Христовски.
Во утрешните информативни издание на спортски вести на М Нет телевизија повеќе детали и анализа за Трета лига во сите пет региони.
Александар Ванев, М-Нет