Првиот снег во Штип добредојден и за продавачите на градскиот пазар. Велат дека раздвиженост има токму поради првите врнежи од снег кои ги привлекле граѓани да излезат на воздух. Цените се исти како и минатата година овој период, но продавачите се задоволни од пазарот, потрошувачката на производи, и раздвиженоста.
„Па на овај снег да ти кажам дека раздвиженост има, сите сакаат на воздух да излезат, ова е очекувано. Има и побарувачка, има и раздвиженост и да немаат потреба да купат нешто луѓето изгуваат да прошетаат по снегот. Цените се исти како и минатиот петок“ – велат продавачите.
Купувачите од друга страна се со поделен став за цените на производите, едни велат дека се приспособливи за нивниот џеб, за други е скапо, трети пак велат не ги гледаат цените туку купуваат што им е потребно.
„За нас со мали пензии, за нас цените се високи, со 11 илјади примања за мене се многу високи. Периодот сега е за компир, зелка, ама многу е скапо.
Инаку, денешниот пазар во Штип беше полупразен, немаше голем дел од тезгите за овошје и зеленчук, а без тезги беше и делот за текстил.
Лаура Стојанова М-Нет