Почна асфалтирањето на улицата „21 мај“ во штипската населба Пребег, а на стратот на градежните активности градоначалникот на Штип, Иван Јорданов рече дека реализацијата на овој инфраструктурен проект е активност на Општината за одржување на постојната инфраструктура во оваа населба. Во текот на наредните денови во оваа населба градежната механизација ќе продолжи со изградба и на нов крак на улицата „Баница“, кој што досега никогаш не бил асфалтиран.
-Овде се планира проширување на населбата, изградба на нови станбени единици, изградба на нови индивидуални куќи, на капацитети кои ќе го урбанизираат овој дел од градот, рече Јорданов.
Инвестицијата овде изнесува околу еден милион денари, пари обезбедени од буџетот на Општината. Штипскиот градоначалник, Јорданов додаде околу оваа населба се реализираат значајни и капитални проекти за урбанистичкиот развој на градот Штип
Јорданов посочи дека во градот се гради и се реконструираат улици, водоводни и канализациони мрежи во неколку населби, а во насока на создавање на нова инфраструктура.
Иван Митев, М-Нет