На 45 годишна возраст почина познатиот штипски гинеколог д-р Александар Стојановски. Според неофицијални извори, тој доживеал инфаркт на плажа во Грција.
Д-р Стојановски беше претпоследниот директор на Клиничка болница Штип. Оваа функција ја извршуваше еден мандат, во период од 2013 до 2017 година. Портпаролот на Клиничка болница Штип, Марина Шуманска, ја потврди веста за ненадејната смрт и за него вели дека бил исклучителен гинеколог и акушер и посветен доктор веќе 10 години. Од Клиничката болница Штип велат дека се шокирани од трагичната вест и ненадејната загуба.
Штипјани велат дека д-р Стојановски исклучително внимавал на своето здравје, живеел здрав живот, со редовни спортски активности. Во последно време тој се посветил на специјализацијата по гинекологија и истата ја завршил пред неполна година.
Лаура Стојанова МНет