Во вторникот во билтенот на СВР Штип беше регистриран физички напад на жена од нејзниот девер. Софија од М.Каменица е мајка на три малолетни дечиња, и како што истакна за нашата телевизија со страв живее и се движи во сопствената куќа, бидејќи често пати се наоѓа во ситуација да биде навредувана и да трпи закани од нејзиниот девер.
„Сега правам муабет за вторникот, се случи инцидентот, мојот девер не крена рака на мене ама вулгарен беше спрема мене, се караше викаше“ – кажа Софија Манасиева.
Настанот бил пријавен во Полициското одделение во Македонска Каменица. Меѓутоа со разни оправдувања и причини полициските службеници не дошле веднаш на местото на настанот, а безбедноста и заштита на 26 годишната Софија биле оставени да чекаат.
“ Му се јави на Командирот и му кажа да преземе мерки. Тие се јавија дури вечерта, а не дојдоа на лице место ниту да земат изјава, ниту да прашаат што се случило.“ – дополни Манасиева.
Откако полициските службеници не дошле на место на настанот, Софија сама отишла во Полициска станица во Македонска Каменица.
“Такси платив со мои пари, отидов таму и на крај ми велат службеното возило не може да оди горе бидејќи може да се расипе“ – истакна Софија.
Дали е направен пропуст од страна на Полициското одделение во Македонска Каменица, одговор побаравме од СВР Штип. Од таму ни одговорија дека случајот треба да се провери пред да се зборува.
„ Доколку поединец не е задоволен од работата на полициските службеници потребно е да се пријави во Одделот за внатрешна контрола, со цел да се испита настанот“ – одговорија од СВР Штип.
Лаура Стојанова М-Нет