Младиот хармоникаш Драган Костадинов го освои првото место на меѓународниот натпревар во Хасково, Република Бугарија.
Во конкуренција на околу 260 натпреварувачи од пет земји – Македонија, Бугарија, Србија, Босна и Херцеговина и Молдавија, Костадинов се натпреваруваше во категоријата од 15 до 18 години и со својот настап на хармоника го освои највисокото признание.
Станува збор за значаен меѓународен успех, кој е резултат на долгогодишна посветеност, труд и љубов кон музиката. Под менторство на Петар Стојчевски, младиот штипјанец успеа да се издвои меѓу бројните учесници и да го привлече вниманието на стручната комисија.
Првото место во Хасково претставува уште една потврда за неговиот талент и потенцијал, но и убаво признание за македонската музичка традиција и младите уметници кои успешно ја претставуваат државата на меѓународни сцени.
Инаку, Костадинов со музика се занимава од мали нозе и досега има настапено на повеќе места.
Иван Митев, М-Нет