По започнувањето на урбанизацијата на населбата „Три чешми“ во Штип, денеска градоначалникот Николов изврши увид во работењето на комуналните претпријатија, кои поставуваа бекатонски патеки во паркот во населбата како и работа на асфалтирање на неколку улици.
„Се работи на терен, има поставување на бекатонски патеки кои ќе бидат како шеталиште во самата паркова површина во оваа населба, и ќе има човек задолжен за одржување на зеленилото, реквизитите, така да се обидуваме урбаната средина да ја донесеме во руралните средини со што ќе го подигнеме и моралот и желбата кај луѓето да се враќаат во руралните средини“ – истакна Николов.
По осум девет години пуштена и е браната во населбата „Три чешми“ којашто ја снабдува целата населба со техничка вода е во функција. Општина Штип работи на распишување на тендерите и планови за реконструкција и рехабилитација на повеќе улици. Околу 20 милиони денари Општина Штип ќе инвестира во рехабилитација и реконструкција на улиците.
Се работи и на реконструкција на други улици низ општината како и поставување на водоводна линија во населба „Суитлак“ во Штип, која од викенд населба преминува во сериозно голема населба во Штип, па општината треба и мора да ги исполнува барањата на граѓаните, како и инфраструктурата.
Лаура Стојанова М-Нет