Денес се одиграа натпреварите од 22 коло на Втората Македонска фудбалска лига – Исток по кое тимот на штипска Брегалница го искористи киксот на Тиквеш во Росоман и ја зголеми предноста на 9 бодови пред кавадаречкиот тим. Играчите на Кит Го Пехчево пред камераите на Мнет ТВ и на каналот Мнет Спорт прикажаа брз и динамичен фудбал кој го крунисаа со брилијантна победа изразена со резултат од 1:0. Стрелец на единствениот гол за Кит Го беше Бошко Ступиќ во 83 м. кој по прекрасно изведениот слободен удар од капитенот Дарко Алексовски реагираше со глава и ја спроведе топката во мрежата на немоќниот голман на Осогово Матеј Андов. Впрочем голманот Андов беше најдобриот поединец кај домакините кој едноставно ја спаси својата екипа од поголем пораз. И двете екипи имаа по една статива, но очигледно играчите на Кит Го беа далеку подобри на теренот и со поголем број на шанси за гол.. Еве ги комлетните резултати од ова 22 коло:
- Кожув – Каменица Саса 1:0
- Осогово – Кит Го Пехчево 0 :1
- Росоман – Тиквеш 1:1
- Плачковица – Брегалница 0:2
- Победа – Слога 0:0
Табела
- Брегалница 58
- Тиквеш 49
- Кит Го П 38
- Кожув 35
- Осогово 29
- Каменица С 28
- Слога 23
- Победа 17
- Плачковица 11
- Росоман 9
Драги Герасимов – Пушка Mnet.mk