Општина Штип упати јавна покана до граѓаните да бидат дел од настанот „Велигденски игри без граници“, кој ќе се одржи на 11 април (сабота) со почеток од 12:00 часот во ЗОО паркот Бриони.
Настанот се организира во чест на големиот христијански празник Велигден, а програмата е осмислена да донесе радост, насмевки и забава за најмладите, но и за сите генерации. Посетителите ќе имаат можност да уживаат во креативни игри, дружење и празнична атмосфера.
Од Општината потенцираат дека ваквите активности се одлична можност за заедничко поминување време, негување на традицијата и создавање убави спомени.
Организаторите ги повикуваат сите граѓани да присуствуваат и заедно да го одбележат празникот во духот на заедништво и позитивна енергија.