По четирите победи во низа, Текстилец УГД го доживеа првиот сезонски пораз, откако во Штип загуби убедливо од Вардар Неготино со високи 25:36, во меч од 5. коло на Првата ракометна лига.
Тимот од Неготино имаше одлично отварање на мечот со серија од 0:4, но домаќинот успеа да се консолидира и да се врати на минус еден кога во 20. минута беше 8:9, но потоа тимот на Аце Станковски одново направи сериозна разлика и на полувреме замина со предност од 11:17.
Во вториот дел разликата растеше, а Текстилец не успеаваше да се враќа резултатски, на десет минути пред крајот на првиот дел гостинот имаше плус десет до 20:30, а на крајот победата беше потврдена со убедливи 25:36.
Кирил Миленков со осум гола беше прво име кај Текстилец, додека пак кај Вардар Неготино осум гола имаше Костадин Петров, а пак Мартин Димов имаше седум.
Преспа и Радовиш ги поделија бодовите откако двете екипи во Ресен одиграа 22:11 во единствениот меч на кој немаше победник од петтата рунда.
Овче Поле славеше убедливо во Македонска Каменица каде со 28:46 го декласираше дебитантот Сокол Саса. За домаќинот Мирче Ѓеоргиев одново со осум гола беше најдобар стрелец, а кај гостинот од Свети Николе со по седум голови се издвоија Теофил Јанев и Александар Димитров.
Аеродром тесно со 31:30 го доби тимот на Македонија ЃП, додека пак Пролет загуби од Илинден, откако гостинот направи изненадување и славеше со 28:33 над ланскиот суперлигаш.
Драчево Јуниор имаше убедлива победа од 43:25 над Јехона, а пак Партизан со
39:37 го доби Шампион.
Во однос на табелата на делба на врвот се Драчево Јуниор, Аеродром и Текстилец со по осум бодови, Пролет и Вардар Неготино го делат четвртото место со седум бодови, а по шест бодови имаат Македонија ЃП и Партизан за делба на шестото место.
Ланскиот суперлигаш Радовиш е на осмото место со пет бодови, а по четири имаат Овче Поле и Илинден и го делат деветтото место.
Преспа е на 11. место со три бодови, а по два бода имаат Шампион и Јехона, на последното 14-то место е Сокол Саса без бодови.
Александар Ванев, М-Нет