Фудбалската репрезентација на Македонија денес замина за Љубљана, каде утре ја очекува вториот натпревар од Лигата на нации против репрезентација на Словенија.
Откако македонската репрезентација беше поразена со убедливи 0:3 во Скопје од Швајцарија, избраниците на селекторот Гоце Седлоски денес заминаа за Љубљана со желба брзо да се надмине поразот од Швајцарија, да се постигне гол и да се обезбеди победа и три бода.
Македонија има низа од пет мечеви без постигнат гол, па овој меч со Словенија ќе биде можност за конечно да се вратиме на победнички патеки, но и да постигнеме погодок.
Македонија последен пат гол постигна против Велс на 18 ноември минатата година, кога нашата репрезентација загуби со убедливи 7:1. Од тогаш нема постигато гол, а има забележано две ремија без голови против Ирска и Босна и Херцеговина, а загуби од Турција со 4:0 и Швајцарија со 0:3.
Последната победа на Македонија беше на 7 септември минатата година кога со 5:0 славевме против Лихтенштајн во Скопје.
Натпреварот меѓу Словенија и Македонија се игра на стадионот „Стожице“ во Љубљана со почеток од 20:45 часот.
Александар Ванев, М-Нет