Второлигашите пред стартот на новата сезона промовираат нови играчи со кои го подигаат квалитетот во своите редовите.
Пелистер се засили со 20-годишното лево крило Кире Стојанов, кој доаѓа од Брера Струмица, а низ неговата кариера беше дел и од Беласица. Зад себе има настапи и во Првата македонска фудбалска лига.
Новаци кој го води штипскиот тренер Иван Варадиновски се засили со 22-годишниот десен бек Стефан Ивановски, кој доаѓа од Пелистер. Низ неговата кариера настапуваше за битолски школи каде ја започна кариерата.
Брера Струмица се засили со Владимир Жоглев и Стефан Наумчески за новата сезона. Жоглев доаѓа од редовите на Шкендија Арачиново, а низ кариерата 27-годишниот искусен голгетер беше дел од Осогово, Борец, Беса, Победа, Скопје, Вардар и Тетекс.
26-годишниот Наумчески е повратник во редовите на Брера Струмица, доаѓа од Приштина, настапуваше и за Тиквеш, Вардар и Победа.
Новата сезона во Втора лига започнува овој викенд.
Александар Ванев, М-Нет