Младинците на Брегалница се пласираа во големото финале од Купот на Македонија каде ќе се соочат со Брера Струмица.
Штипјани беа подобри со 5:2 во однос на Штип во полуфиналето откако за штипскиот тим двоен стрелец беше Бранимир Иванов, а по еден гол постигнаа Лука Бојаџиев, Даријан тасев и Филип Чичев, а пак за гостинскиот тим погодија Ендрит Кадрији и Ендрит Рустеми, а стрелаа во вториот дел.
Брера Струмица со голот на Бобан Кузмановски во 45. минута го совлада Вардар со минимални 1:0 и така стигна до финалето.
Големото финале меѓу Брегалница и Брера Струмица е закажано за 23 мај со почеток од 17 часот, а ќе се игра на теренот на ФФМ во Скопје.
Александар Ванев, М-Нет