Краставицата и доматот луксуз за граѓаните овој период од годината. Бидејќи не им е сезона цените се доста високи. Но, со високи цени се и марулата, младата зелка иако веќе се зголемува нивното производство. Кога е во прашање зелениот пипер за пржење достигнува цена колку еден килограм месо.
Граѓаните сведочат за високите цени на зеленчукот. Денеска пред пазар во Штип, велат дека купуваат по малку, ама мора да прават избор бидејќи цените се енормно високи. Додаваат дека мора да се бара решение за да се стави крај на високите цени на производит.
За високите цени на пиперот зборуваат и трговците. Велат додека нема сопствено производство цените мора да се прилагодуваат на цените кои ги дикитираат производителите од струмичко пред сѐ. Во периодот кој следи, согласно временските услови и производството ќе се намалуваат и цените на дел од производите.
„Искрено денеска има покачување на цените, покачена е цената на зелената пиперка, ама благо е намалена цената на доматот. 130 денари е доматот, а пиперката е со покачена цена. Портокалите се по 50 денари за килограм“ – велат продавачите.
За утрешниот пазарен ден во Штип цените на производите пред се на зеленчукот треба да останат исти со оглед на фактот дека производите веќе се набавени.
Лаура Стојанова Ќирчов, М-Нет