Вчера, се одржа Изборното генерално собрание на Општинскиот фудбалски сојуз Кочани, а каде втор мандат како претседател доби Александар Андов, кој ќе го води ОФС Кочани и во следните четири години, односно до 2029 година.
Покрај избор на претседател, беа избрани и членови на Управниот одбор на ОФС Кочани, тоа се Александар Андов, Оливер Јовановски, Марјан Јангеловски, Владо Андов, Ангелчо Гошев, Драган Јаневски и Гоце Димитров.
За членови на Надзорниот одбор при ОФС Кочани беа избрани Ристе Лазаров, Сашко Ангелов и Митко Бојаџиев.
На вчерашното Изборно генерално собрание на ОФС Кочани за делегати на Собранието на ФФМ беа избрани Александар Андов, Оливер Јовановски и Марјан Јангеловски, додека пак за заменици делегати беа избрани Столе Тошев, Владо Андов и Сашко Ангелов.
Дополнително, беше дадена поддршка за актуелниот и идниот претседател на ФФМ, Масар Омерагиќ и од ОФС Кочани.
Александар Ванев, М-Нет