Ракометарите на Текстилец УГД Штип запишаа нов пораз откако беа поразени од екипата на Партизан од Гевгелија со резултат од 39:40, во меч каде ниту 13-те гола на Филип Џинес не помогнаа за двата бода да останат во Штип.
Катастрофално прво полувреме на штипски ракометари кои на полувреме имаа негатива од 14:22, но во вториот дел се разбудија штипјани за да понудат луд меч особено во финишот. При 31:36 за гостинот од Гевгелија, штипските ракометари стигнаа од 38:38, а на крајот гостинот славеше со конечни 39:40. Кај гостинскиот тим исто така 13 гола постигна Горан Лисичков.
Скопје со 26:24 го доби дуелот со Младост од Богданци во меч каде победата ја посакуваа и двете екипи, но ланскиот суперлигаш беше подобар за нов триумф.
Металург РА со 30:26 славеше над Овче Поле за четврта победа и со тоа второ место на табелата, додека пак Астраион беше декласиран на свој терен од ланскиот суперлигаш Еурофарм Пелистер 2 со 22:39.
Преспа Вардар впиша нов пораз и никако да стигне до триумф, откако беше поразена од Шампион со 28:38 за петти пораз на ресенчани, а пак четврта победа за скопскиот тим.
Јехона со 36:29 убедливо го доби Аеродром на домашен терен, а пак Вардар Неготино со 37:35 славеше над Македонија ЃП во меч каде за ланскиот суперлигаш Петров беше најдобар стрелец со 12 гола, а за гостинот Божиновски со осум погодоци.
Александар Ванев, М-Нет