Отстранети детските реквизити во близина на паркот „Макфест“ во Штип. Градежните работи овде започнаа уште пред десетина дена, кога градежна механизација го расчистуваше просторот и ги отстрани клупите и детските реквизити кои се наоѓаа на оваа локација. Просторот е расчистен и таму сè уште работи, но за граѓаните е нејасно на каква содржина. Прашањево го упативме до Општина Штип од каде посочија дека ќе има хортикултурно уредување, но дека дополнителни информации ќе дадат во понеделник или вторник, кога просторот и ќе се уредува. Според информации на М-Нет Телевизија, општинското земјиште е дадено на користење под наем на угостителски објект. Освен што ќе го искористат просторот за свои потреби, ќе постават и детски реквизити, а Општината местото хортикултурно ќе го уреди, со што овој парк ќе биде наменет за сите граѓани, а не само за гостите на угостителскиот објект.
Ребека Спасова М-ЖНет