На свечена седница во салата на Општина Штип утринава од страна на ОИК беа доделени уверенијата на новите советници на Советот на Општина Штип. 13 советници од владејачката ВМРО ДПМНЕ, 9 советници од најголемата опозициска партија СДСМ и еден советник од политичката партија Левица ќе одлучуваат за проектите во градот под Исарот. Доктори, спортисти, економисти, помлади и повозрасни, нови и веќе искусни граѓани, се дел од новиот состав на Советот на Штип.
Поубав и попросперитетен град е желбата на сите советници кои ќе водат жесток битка за Штип да го добие она што го заслужува. И едните и другите истакнаа дека ќе работат во интерес на граѓаните.
Штип е центар на Истокот, а со одлуките донесени на Советот надежта е дека градот ќе биде место во кое гордо ќе се живее.
Лаура Стојанова М-Нет