Редица граѓани чекаа утринава пред вакциналниот пукт во Штип. Интересот многу поголем за трета отколку за прва доза вакцина. Откако од Министерството за здравство пред два дена истакна дека трета доза вакцина Фајзер може да се прима по три месеци од втората доза граѓаните побрзаа да се заштитат максимално од корона вирусот. Поголемиот дел од граѓаните кои чекаа пред Здравствениот дом „Панче Караѓозов“ во Штип беа вакцинирани со некоја од кинески вакцини.
Надлежните медицински лица велат вакцини има доволно за прва доза вакцина, ревакцина, како и за трета доза. Интересот за трета расте, а според нив и заштитата на населението.
„Овие два дена навистина е зголемен интересот кај граѓаните кои примиле прва и втора доза вакцина од Синовак и Синофарм. Тоа се граѓани претежно вакцинирани во месец мај и доаѓаат по масовно овие два дена. Интересот за трета доза вакцина е поголем за разлика од интересот за прв доза“ – кажа доктор Миланова.
Огромна заинтересираност за трета доза вакцина е регистрирана и во Кочани, велат тамошните надлежни медицински лица.
„Енормна е заинтересираноста за трета доза вакцина овие два дена. Конкретно деенска до 11часот има вакцинирано 100 граѓани. Гужва се прваи бидејќи сите доаѓаат со порака а без закажан термин и сакаат да бидат вакцинирани по трет пат. Во меѓувреме минимална е заинтересираноста за прва доза вакцина“ – кажа доктор Иле.
Според информации од Министерството за здравство до сега Вкупно се аплицирани 1.569.243 дози вакцини, а ревакцинирани се 766.521 граѓани, трета доза вкупно примиле 2.365 граѓани. 57% од полнолетното население е вакцинирано со една доза вакцина , 46% од полнолетното население е вакцинирано со две дози вакцини.
Лаура Стојанова М-Нет