Општина Штип ќе спроведе превентивна дератизација на канализационите шахти со цел уништување на глодари. Активноста се спроведува со цел заштита на населението од заразни болести предизвикани од глодари (стаорци), а ќе опфати 160 канализациони шахти на територија на општина Штип. Дератизацијата ќе се спроведе на 11.5.2022 (среда), во периодот од 18:00 до 23:30 часот.
„Третирањето ќе изведува со препаратот ДЕРАТИОН ПАРАФИНАТО со активна супстанца 3-[3-[4-(4-(Bromophenyl)phenyl]-3-hydroxy-1-phenylpropyl]-2-hydroxychromen-4-one. За сите информации и прашања може да се јавите на телефон за контакт во Општина Штип: 032/22 66 22.“ – стои во известувањето од Општина Штип.
Во случај на неповолни временски услови (дожд и др.) дератизацијата се одложува за следниот поволен ден. Воедно, се известуваат сите граѓани во општина Штип за внимателно учество во сообраќајот.