Нова тротоарска површина и уредување на просторот пред станбените згради е само една од активностите кои во наредниот период ќе се реализираат во населбата Сењак. За оваа активност на терен се издвоени нешто повеќе од 800 илјади денари пари од Буџетот на Општина Штип., Градоначаникот, Иван Јорданов, посочи дека се работи на запоставена површина, и дека во наредниот период ќе се зголеми и безбедноста за жителите од овој дел од градот.
„Се работат неколку локации во населба Сењак. Една од локациите коишто деновиве ќе се третира е на улицата Борис Краѓаер, тротоарска површина и платоа пред самите станбени згради. Повеќе од 800 илјади денари ќе бидат потрошени за поставување на павер елементи и уредување на една запоставена површина. Дел од оваа површина ќе воспостави и пешачки премин на пешаците и на луѓето кои минуваат овде, пред самата крстосница.“ – вели Јорданов.
По барање на граѓаните, а согласно планот и програмата за работа на Локалната самоуправа во населба Сењак се предвидени нови паркинг површини, паркови, зелени површини и слично.
„Тука се предвидени и паркинг површини, зелени површини, тротоарски површини. Ова е предвидено согласно програмата и согласно Буџетот“ – додава Јорданов.
Освен во населба Сењак активности се преземаат во речиси сите населени места со цел подобар изглед на градот и подобро место за жиивеење за граѓаните.
Лаура Стојанова М-Нет