Започнува аплицирањето за субвенции за клима уреди во Општина Карбинци. Од денеска жителите на општината можат да аплицираат за добивање на субвенции за набавка на инвертер клима уред, рече на денешната прес-конференција градоначалникот на Општина Карбинци, Виктор Паунов. Тој истакна дека јавниот повик ќе трае четири месеци, а субвенциите се 30% од вредноста на клима уредот.
-Веќе трета година по ред ние субвенционираме и поддржуваме вакви мерки, затоа што сметаме дека оваа поддршка е значајна за граѓаните и вродува со плод. Тоа можеме да го потврдиме со мерките во изминатите две години, кога над 130 семејства добија ваква поддршка. Оваа година продолжуваме со исто темпо, вели Паунов.
Единсветните критериуми за да аплицираат заинтересираните се да бидат жителите на општината, како и да пополнат барање кое што е во рамки на општината, рече Паунов
-Она што е важно Општина Карбинци субвенционира 30% од вкупната вредност на набавениот клима уред за секое едно домаќинство. Единствени услови или критериуми се да бидат жители, односно резиденти на Општина Карбинци и да пополнат еден образец, едно барање коешто е во рамките на општината, изјави Паунов.
По завршување на рокот за аплицирање, од страна на Комисија апликациите ќе бидат одобрени и исплатени на граѓаните.
Иван Митев, М-Нет