Новиот полузатворен градски пазар во Штип од денеска и одфцијално започна со работа. Поставени се нови 100 тезги достапни за продавачите, доволно простор за купувачите, а обезбедени се и дополнителни 50 паркинг места. Со издвоени 12 милиони денари се асфалтираше и сервисната уличка и целосно уреден и модернизиран пазарот е предаден на ЈП „Исар“.
„Штипјани ќе имаат нов модерен, полузатворен дел на градскиот пазар. Дополнително се создадени 50 нови паркинг места со што ќе се подобри функционалноста на пазарот. Станува збор за проект на Општина Штип којшто и е оставен на ЈП Исар – да управува со него. 12 милиони денари е инвестицијата“ – вели Јорданов.
Ултра модерен европски пазар кој ќе овозможи современ начин на пазаурвање, директорот на ЈП Исар, Кирил Зајков посочи дека се нуди можност на продавачите соодветно да ги продаваат своите производи, и соодветен начин за купувачите да купат нешто.
„Сведочиме на отворање на еден ултра модерен европски пазар кој ќе обезбеди еден современ начин на пазарање. Овој начин на уредување на пазарот е исклучително добар.“ – вели Зајков.
На пазарот во Штип во моментот најголем дел од производите се домашно производство, освен јужното овошје. Има доволно простор за да се сместат сите продавачи.
„Во оваа сезона 95% од производите се домашно производство освен јужното овошје.“ – вели Колев.
И цените споредбено со истиот периол лани се понсики вели Колев, што значи задоволни се и од производството и од цените на произвидите.
Лаура Стојанова М-Нет