На последниот ден од изборната кампања презентирано сработеното во претходниот период од страна на СДСМ. Кандидатот за градоначалник, Сашко Николов истакна дека како што се работело до сега ќе се продолжи и во иднина бидејќи Штип го заслужува најдоброто. Реконструкација на детски градинки, изграден нов мост на река Брегалница, реконструирани патишта и улици, чиста и питка вопда за пиење се само дел од проектите кои ги презентиораше Николов.
„Започнавме со изградба на пешачки конзоли на река Отиња, во завршна фаза е целосна реконструкција на улиците Панче Караѓозов и Личка, течат активности за изградба на канализациона мрежа во населба Горна Железничка, градење на крстосница во населба Сењак, завршени паркови површини во Ново село, го решивме деценискиот проблем со водоснабдување“ – кажа Николов.
Трудот на СДСМ го гледа секоја, кажа носителот на советничката листа, Александар Мишев, со цел Штип да биде унапредена и модерна општина. Потпирајќи се на досега сработеното, и сега ветеното Мишев побара од граѓаните да го изберат најдоборото за Штип.
„Нашиот мудар народ рекол „Тешко е да се гради, лесно е да се руши“. СДСМ се вложи себе во темелите на државата и до ден денес работи на градење на нашата држава. Ние решаваме децениски проблеми, тие ги создаваат. Сега е момент за одлука, одберете го најдоброто за вас и вашите деца„ – додаде Мишев.
Секој граѓанин да го оставари своето демократско право на глас во недела фер и демократски, повика Николов.
Лаура Стојанова М-Нет