По оставката на претходното раководство, второлигашот Тетекс доби нов Управен одобор, чија цел ќе биде опстанок во Втората македонска фудбалска лига.
Претседател на клубот ќе биде д-р Бобан Вучевски. Сепак, Тетекс е во многу тешка ситуација, бидејќи „штофарите“ се без доволен фонд на играчи, минусно салдо и доста долгови, што ја прават ситуацијата и повеќе од тешка.
Веќе се бара помош од бизнис секторот во Тетово со цел да му помогнат на клубот во овој тежок период и со цел истиот да застане на стабилни нозе.
Покрај Вучевски, во Управниот одбор на Тетово ќе бидат и Ивица Хаџииљоски – Чајка, Драгољуб Јовановски, Перо Јовановски, Живко Антовски, Бобан Мишевски и Ненад Спасоски – Зец.
Тренер на тимот останува Дејан Савевски, додека пак Живорад Радољиќ ќе биде асистент, а пак Миле Спироски ќе биде тренер на голманите.
Тетекс сезоната ја заврши на претпоследното место на табелата во Втора лига со само седум освоени бодови и во пролетниот дел ќе ја има можеби и најтешката полусезона кога е во прашање опстанокот.
Инаку, Тетекс го има и еден неславен рекорд, откако во Битола беше убедливо поразен од Пелистер со 11:0, со што тоа е најголемиот пораз во тековната сезона, но и во историјата на Тетекс.