Наскоро ќе се објави повикот за избор на учебник по англиски јазик и проблемот со учебниците за странски јазици ќе се реши, најави министерот за образование и наука, Јетон Шаќири при посетата на Штипскиот универзитет. Според него, новиот закон за учебници за основно и средно образование ќе ги елиминира сите грешки и проблеми при подготовката на учебниците.
Шаќири најави и дека професорите од февруари конечно ќе можат да полагаат менаџерски испит, како и приправнички испити.
Исто така, министерот ја потврди одлуката дека учебната година ќе заврши на 14 јуни, а Одлуката е објавена во Службен весник.
Ребека Спасова М-Нет