На 29.12.2025 во село Конче, општина Конче, полициски службеници од СВР Струмица-ОВР Радовиш со судска наредба извршија претрес во домот на К.К.(38) од с.Конче. При претресот се пронајдени 105 парчиња пиротехнички средства. Истиот ден во село Ињево, радовишко, врз основа на судска наредба, полициски службеници од СВР Струмица-ОВР Радовиш извршија претрес и во домот на И.К.(30) од село Ињево, при што се пронајдени 198 парчиња пиротехнички средства. По документирање на случаите, против двајцата ќе бидат поднесени соодветни пријави.