Големи резултати за каратистите од карате клубот Партизан од Штип на меѓународниот турнир “Grand Prix Macedonia” во Скопје, каде што учествуваа 13 држави и околу 1000 натпреварувачи.
Пет годишната Емили Петешева од Штип беше најмладата натпреварувачка на целиот турнир и успеа да освои бронзен медал во кати!
“Нашите млади борци за првпат застанаа на татамите и покажаа дека се иднината на карате спортот. Посебно сме горди на Емили Петешева, која со само 5 години беше најмладата натпреварувачка на целиот турнир и успеа да освои бронзен медал во кати! Огромно браво за неа и за храброста што ја покажа”, велат од клубот.
Покрај Петешева, бронзен медал во кати освои и Каја Гацова.
Бронзен медал во борби освои Софија Крстовска, пласман на петтото место во кати за Јован Петешев и Филип Пецов.
Од штипскиот карате клуб Партизан, каде тренер е Симона Петешева, настапија и Јоана Иванова, Ќирил Ѓеоргиев, Ѓоше Пецов, Милена Кристал Крстовска и Божидар Крстовски.
Потврда дека со одлична и посветена работа следуваат и големи резултати.
Александар Ванев, М-Нет