Со вечерашнава презентација Кино на отворено заврши четвртото издание на настанот„ Текстилијада 2020 “ организирана од Здружението на граѓани на текстилните, кожарските и чевларските работници „Гласен Текстилец“ .
Констатацијата за ова издание на настанот што ја даваат организаторите се однесува на тоа дека споредено со изминатите три изданија, овој е најголемиот настан од ваков вид во регионот, што се одржал во Република Северна Македонија. Тие сметаат дека „Текстилијадата“ ја постигнала својата мисија а тоа значи дека ги поттикнала младите, работниците и работничките да се вклучат во процесите на одлучување. Преку настаните кои воглавно беа се од социјален и уметнички карактер на јавноста и била прикажана потребата од поддршка за подобрување на правата на работниците и работничките.
Овогодинешната „Текстилијада“, ја оствари целта отворајки ја темата проблематиката за почитувањето на работничките права на текстилните работници и работнички во време на пандемијата со Ковид-19 Добропознатото мото „Работнички права во време на Корона – Корона права“одекнуваше во изминативе три дена а се создаде и продуктивен дијалог со носителите на одлуки, институциите и работодавачите, работниците и работничките .На овој настан голем интерес побуди и настапот со конкретни економски анализи на еден од поранешните министри за економија д-р Никола Поповски
Од „Гласен текстилец“ констатират дека е возможно здружено и солидарно да се дејствува и да се изнајдат решенија од кои сите ќе излезат поорентирани и зајакнати од оваа здравствена, економска и социјална криза. Инаку токму денешната последна дебата ги разбранува ставовите на учесниците за влијанието на КОВИД -19 врз нископлатените и трудоинтензивни гранки. На денешната средба не присувствуваше Вицепремиерот за економски прашања Фатмир Бетиќи кој се наоѓа во самоизолација поради коронавирусот .
Маре Стојилова М нет
Игор Зиврев М нет