Помош, следње и развивање на децата со развиени таленти од најмалата возраст. Во детските градинки се работи на програми со помош на кои ќе се откриваат децата кои имаат посебни таленти, ќе се работи со нив и ќе им се посветува поголемо внимание. Илија Митрев посочува дека ова е по примерот на европските земји, а имплементацијата е во програмите на самите градинки.
„Тоа се програми кои самите градинки си ги имплементираат во нивните програми, односно активности, различни методи и техники на настава од самите воспитувачи кои работат на откривање, поттикнување и поддршка на тие надарени деца. Се надевам дека овие наши конференции, семинари и размена на воспитувачи ќе се направи нешто, бидејќи ние согласно со програмата работиме за деца со пречки во развојот така да се надевам дека ќе успееме и на ваков начин да дадеме внимание и на талентираните деца кои утре ќе бидат носители во нашето општество.“ – вели Митрев.
Праксата покажува дека вработените во детските градинки веќе препознаваат деца кои убаво пеат, цртаат или имаат некој друг талент. Потребно е вели да се работи со нив за да може да го негуваат и развиваат истиот во иднина.
„Има деца кои покажуваат надареност кон ритамот и ритмиката, правиме групи кои се за кореографија и ги користиме во локалните и завршни приредби.“ – додава Митрев.
Оваа година крајот на месец октомври и почетокот на месец ноември ќе се организира Научно-стручна конференција на тема „Користење реквизити и помагала во имлементација на програмата“, а истата веќе поттикнува голем интерес кај воспитувачките од детските градинки, вели Митрев.
Лаура Стојанова М-Нет