И покрај новогодишната кошничка со над 1200 производи со намалени цени, пресметките на ССМ покажуваат дека минималната кошничка за месец јануари е зголемена за 391 денари. Таа изнесува 63 252 денари, а зголемување се бележи во делот на храна и пијалоци каде беа и производите со „намалени цени“.
„За месец јануари синдикалната кошничка изнесува 63 252 денари или во сооднос со вредноста на синдикалната минимална кошничка за декември 2024 година која изнесуваше 62 861 денари е зголемена за жал за 391 денар. Тоа што дополнително загрижува е што делот за храна и пијалоци, наместо да бележи намалување за најмалку 10 , бележи зголемување и тоа за 63те основни производи кои ги пресметува ССМ во кошничката.“ – вели Трендафилов.
За 12 месеци вредноста на синдикалната минимална кошничка во делот на храната и пијалоците е зголемена за 10,43 %, посочуваат од ССМ. Додаваат дека инфалцијата според пресметките на кошничката е далеку над 10%.
„Вредноста на синдикалната минимална кошничка за само една година пораснала за 6089 денари. Тоа значи зголемување од 10, 65% и сметаме дека инфлацијата во Македонија во никој случај не може да биде 3,5 % доколку синдикалната минимална ккошница покажува дека инфлацијата се движи далеку над 10%. Кошничката предвиидува само најнеопходно да може едно четиричлено семејство да го помине месецот.“ — додава Трендафилов.
Трендафилов вели дека трговците се богатат на грбот на граѓаните, на работниците. Секоја прилика ја користат да се покачат цените на основните производи за живот кои граѓаните ги плаќаат.
Лаура Стојанова М-Нет