Завршија возбудливите натпревари од групната фаза на турнирот Малеш Куп.
По жестоката конкуренција и извонредните настапи, сега ги имаме четвртфиналистите кои ќе продолжат во следната фаза од турнирот.
Синоќа беа одиграни последните четири натпревари од групната фаза. PUB Делчево со 2:0 го доби дербито со Кинеска Надеж, ОФК Малеш запиша триумф од 3:2 над Динго Тир.
Панорама Делчево најавува освојување на турнирот откако синоќе со 6:0 ја декласираше екипата на Рефреш Кафе & Гостилница Гаго. Последниот натпревар по регуларните 2:2, екипата на Борово Стебло – Тони и Синовето беше подобра од ФК Камерун во пенал-рулетот.
Вечерва започнува четвртфиналето. Еклектик игра за полуфинале против Extreme/go plast, Кинеска Надеж против Борово Стебло – Тони и Синовето, Панорама Делчево со Манто 2013, а пак PUB Делчево со ОФК Карбинци.
Телевизија М Нет е медиумски покровител на овој спортски настан.