Фудбалскиот клуб ФК Работнички денеска официјално ги промовираше двата нови играчи со кои го зајакнува ростерот во зимскиот преоден рок. По претходната објава за ангажманот на Сухел Мухареми, црвено-белите го потврдија и потписот на Зија Мерџани.
Мерџани стави потпис на шестмесечен договор, со што ќе биде на располагање на стручниот штаб во продолжението од сезоната. Од клубот изразија уверување дека новото засилување ќе донесе дополнителна енергија и конкуренција во тимот, во клучниот дел од шампионатот.
Претходно, Работнички го промовираше и Сухел Мухареми, кој потпиша договор на 18 месеци, што јасно укажува на комбиниран пристап – краткорочно засилување за моменталните цели и подолгорочно решение за иднината.
Со овие два потписи, ФК Работнички испраќа јасна порака дека сериозно работи на стабилизација и унапредување на тимот, а навивачите со интерес ќе ги следат настапите на новите фудбалери во црвено-белиот дрес.