Денес се одиграа натпреварите од вонредното 12. коло од Првата лига, каде Воска Спорт запиша голема победа од 3:1 над Шкупи во меч каде охриѓани третиот гол го постигнаа од пенал.
Вардар ја продолжува резултатската криза, откако денес загуби од Брера Струмица со минимални 0:1.
Тиквеш со минимални 0:1 претрпе нов пораз од шампионот Струга на домашен терен, а пак Гостивар и Пелистер ремизираа на „Борис Трајковски“ без голови.
Шкендија со 2:1 го доби регилнаното дерби со дебитантот Беса на домашен терен.
Во однос на табелата Работнички е непоразен лидер и натаму со 24 бодови, Шкендија е втора со 23 бодови на своето конто, Силекс е трет со 21 бод колку што има и Гостивар кој е четврти.
На петтото место е шампионот Струга со 19 бодови, Шкупи е шестти со 16 бодови, Брера Струмица со 15 бодови е на седмото место.
Пелистер е осми со 13 бодови, а пак Беса е на деветтото место со 12 бодови. Воска Спорт се проби до десеттото место или бараж зоната со 10 бодови, а во опасната зона за директно испаѓање во Вотра лига се Тиквеш и Вардар кои имаат по осум бодови на своето конто.
Александар Ванев, М-Нет