Фудбалските прволигаши се пред ново првенствено коло во кое тимот на Брегалница ќе гостува на екипата на Борец во Велес. Традиционалното ривалство помеѓу овие две екипи е доволно да ги разгори страстите и да се покаже која екипа моментално е поподготвена и подобра. Досегашниот учинок вели дека по изминати три кола и Борец и Брегалница имаат по 3 бода, Борец има една победа и два порази со гол разлика 2:4 , додека пак Брегалница има три нерешени средби со гол разлика 3:3. Брегалница имаше тежок распоред бидејќи за противници ги имаше актуелниот шампион Шкендија и вицешампионот Шкупи и успеа да одигра нерешено а бод освои против Скопје на гости. Веќе се делегирани и официјалните лица за ова 4 коло така да средбата Борец – Брегалница ќе ја суди Игор Стојчевски а ќе му помагаат Гоце Петрески, Дејан Димитријевиќ и како четврти судија Дарко Стојчевски, сите од Скопје. За Контролор е делегиран Ѓорги Карајанов а Делегат ќе биде Ристо Танев и двајцата од Гевгелија. Еве ги комплетните двојки за ова 4 коло:
- Борец – Брегалница
- Струга ТЛ – Шкупи
- Скопје – Пелистер
- Шкендија – Македонија ЃП
- Работнички – Тиквеш
- А. Пандев – Ренова
Сите натпревари ќе се одиграат во недела 22 август со нов термин на почеток во 16.00 часот, освен средбата во Струмица која ќе започне во 20.00 часот.
Драги Герасимов – Пушка Mnet.mk