Една недела пред почетокот на првенството во Првата OTP BANK лига на Унгарија, штипјанецот Бојан Миовски веќе ги има подесено нишанските справи и најавува нова голгетерска бериќетна сезона. Попладнево неговиот тим МТК одигра пријателски контролен натпревар со прволигашот Mezokovezd кој заврши со победа од 3:0 за тимот на МТК. Бојан Миовски ја „начна“ мрежата на гостинскиот голман уште во 9 минута и донесе водство на МТК од 1:0. Во 67 м. Бојан Миовски беше асистент и при постигнувањето на вториот гол а стрелец беше Димитров. Истиот играч, Димитров го постигна и третиот гол за конечен резултат – победа на МТК со убедливи 3:0 во 81 минута. Инаку првенството во Првата OTP BANK лига на Унгарија ќе започне комбинирано на 30 и на 31 јули а во првото коло ќе се сретнат Gyirmot – MTK кој пак ќе играат на 30 јули со почеток во 20.30 часот. Спортската редакција на MНЕТ ТВ му посакува пред се добро здравје и успешна голгетерска сезона на Бојан Миовски.
Драги Герасимов – Пушка Мнет.мк