Царовска на маалска средба во населба Пролет: Се што ветуваме остваруваме

Носителката на листата на кандидати за пратеници во Изборна единица 1, Мила Царовска вечерва беше на маалска средба во населбата Пролет.

„Центар никогаш не не напуштил затоа што сме демократи и како политичка партија се што ќе ветиме остваруваме. Оваа програма што ја држам ќе ја оствариме 100 %, бидејќи ќе се посветиме на домашната економија.Тоа можеме да го направиме, бидејќи за не цел мандат успеавме да реализираме над 70 % од претходната програма. Ветивме поголема минимална плата и сега имаме Минимална плата поголема за 60%, а просрчната плата ја зголемивме за 5.000 денари”, рече Царовска.

Царовска истакна дека Социјал-демократскиот сојуз е партија којашто води грижа за сите граѓани и за повозрасните.

„Не ги заборавивме пензионерите. Откако го стабилизиравме пензискиот систем ги зголемивме пензиите. Во јануари ги зголемивме сите пензии за 722 денари. Во новиот мандат како партија којашто се грижи за најранливите минималната пензија ја зголемуваме на 10.700 денари”, рече Царовска.

Текстот Царовска на маалска средба во населба Пролет: Се што ветуваме остваруваме е превземен од МАКФАКС.