Зидан по поразот од Кадиз: Немам објаснување!

Тренерот на Реал Мадрид, Зинедин Зидан не бараше изговори по вчерашниот пораз на неговата екипа на домашен терен од новиот прволигаш, Кадиз со 1-0.

„Немам објаснување. Изгубивме и тоа мора да го прифатиме. Не можеме да сме задоволни од она што го покажавме, и не сме. Но вакви работи се случуваат во фудбалот. Лошо го почнавме мечот, ни беше тешко уште од почетокот. По паузата бевме подобри, но ако не тргне како што треба на стартот, после тешко е да се вратиш. Се мачевме и немаме изговори“ рече Французинот.

Зидан смета дека овој пораз нема многу да влијае на екипата.

„Изгубивме меч и ништо повеќе од тоа. Секако, важни 3 бода испуштивме на домашен терен, но тоа е тоа. Мораме да се фокусираме на следниот меч“ – вели тој.

А следниот меч за „Кралевите“ од Мадрид е оној против Шахтјор Доњецк во Лигата на шампиони, по што следува „Ел Класико“.

Текстот Зидан по поразот од Кадиз: Немам објаснување! е превземен од МАКФАКС.